Азық-түлік корпорациясы күнбағыс пен күнбағыс майын үшжақты форвардтық сатып алу шеңберінде өтінімдерді қабылдауды бастады.
Ағымдағы жылы үшжақты форвардтық сатып алуды қаржыландыру көлемі күнбағыс жеткізілгеннен кейін төленетін қосымша төлем сомасын ескере отырып, шамамен 2 млрд теңгені құрайды, деп хабарлады Азық-түлік корпорациясы.
Үшжақты форвардтық сатып алу шеңберінде күнбағыс құны ҚҚС-пен 130 000 теңге/тоннасы және ҚҚС-сыз 116 071 теңгені құрайды. Оның ішінде алдын ала төлем 80 000 теңге (ҚҚС-пен) және 71 428 теңге (ҚҚС-сыз) мөлшерінде айқындалды. Қосымша төлем мөлшері - тиісінше 50 000 теңге және 44 643 теңге.
Күнбағыс майының құны ҚҚС-пен 380 теңге/литрі және ҚҚС-сыз 339 теңге/литрі құрайды.
Үш жақты форвардтық сатып алу келесі тәртіппен жүзеге асырылады. Бірінші кезеңде күнбағыс жеткізгені үшін ауыл шаруашылығы өндірушісіне одан әрі аванс беру үшін өңдеуші кәсіпорынға алдын ала төлем жүргізіледі.
Екінші кезеңде, күзде, фермерге күнбағыс құны мен алдын ала төлем арасындағы айырмашылықты одан әрі төлеу үшін күнбағыс жеткізілгеннен кейін өңдеу зауытына қосымша ақы төленеді.
Үшінші кезеңде өңдеуші Азық-түлік корпорацияларына өңдеу кестесіне сәйкес күнбағыс майын жеткізеді. Немесе өңделмеген күнбағыс құнынан ақша қаражатын қайтару +3% сыйақы жүзеге асырылады.
