Тауарлар
Қызметтер
Тасымалдау қызметі
Қазақстандық QazBioPharm және француздық Boehringer Ingelheim аусылға қарсы вакциналар өндіру туралы келісімге қол қойды. Бұл туралы ҚР Сыртқы істер министрлігінің баспасөз қызметі хабарлады.
Лицензия, жеткізу және серіктестік туралы келісімге Қазақстан Республикасының Франциядағы елшілігінің қолдауымен қол қойылды.
"Лицензиялық келісімге сәйкес француздық Boehringer Ingelheim Animal Health France компаниясы Дүниежүзілік жануарлар денсаулығы ұйымының стандарттары бойынша аусылға қарсы жоғары сапалы вакциналар өндірісін дамыту және оны толық жою мақсатында QazBioPharm үшін өз ресурстары мен тәжірибесін ұсынады. Айта кету керек, бұл біздің еліміздегі жануарлардың жұқпалы ауруларына қарсы күресті нығайтуға ықпал етеді және қазақстандық ет өнімдерін одан әрі шетелдік нарықтарға экспорттауға мүмкіндік береді", - деп хабарлады СІМ-де.
Аусылға қарсы вакцинация аусылмен күресудің негізгі бағыттарының бірі болып табылады.
Boehringer Ingelheim әлемдегі ең үздік 20 фармацевтикалық компанияның қатарына кіреді және бүкіл әлемде орналасқан 142 өкілдіктен тұрады. Компания аусылға қарсы вакцина штаммдарының кең портфолиосына ие және Еуропалық фармацевтика өнеркәсібі федерациясы мен қауымдастықтарының (EFPIA) толық мүшесі болып табылады.
