Түркістан облысында мақта кластерін құру жобасы әзірленді. Жергілікті билік мақта өндірісін де, қайта өңдеуді де қолдауға дайын екенін мәлімдеді. Бұл туралы облыс әкімінің баспасөз қызметі хабарлады.
Әзірленген жобаның мақсаты мақта шаруашылығын әртараптандыру, мақта кешені кәсіпорындарын дамыту және 2027 жылға дейін тоқыма өнеркәсібінің бәсекеге қабілетті өнімін алу болып табылады.
Осы кезеңде шикі мақта өсіруден бастап жоғары сапалы өнім өндіретін 75 кәсіпорын ашу, сондай-ақ тоғыз кластер құру жоспарлануда. 41 мыңнан астам жұмыс орнын құра отырып, мақта талшығын қайта өңдеу көлемін 100% - ға дейін жеткізу жоспарлануда. Мақсаты - маталар, майлар, киім және басқа да мақта бұйымдарын шығару.
"Облыстың өз табысын арттыру үшін жаңа жұмыс орындарын ашу қажет. Сонымен қатар, мақта кластерінің дамуы үлкен маңызға ие. Біз осы салада зауыт, фабрика ашамыз деген азаматтарға қолдау көрсетуге дайынбыз. Екіншіден, мақта шаруашылығында суды үнемдейтін технологияларды жетілдіру қажет. Мақта өсіру көп зерттеуді қажет етеді. Облыс әкімдігі мақта кластерін дамыту үшін жағдай жасайды. Бұл бағытта үлкен жоспарларымыз бар", - деді облыс әкімі Дархан Сатыбалды.
Әкімдікте саланың дамуы кәсіпкерлердің, қаржы ұйымдары өкілдерінің, депутаттар мен ғалымдардың қатысуымен талқыланды. Ең алдымен, мамандар шикі мақтаның сапасын жақсарту қажеттігін мәлімдеді.
