Қызылорда облысында тұқы өсіру бойынша шаруашылық іске қосылды

Қызылорда облысының Арал ауданында тұқы өсіретін тоған балық шаруашылығы жұмыс істей бастады. Қазіргі уақытта ауданы 15 гектар болатын төрт тоғанда балық аулау жұмыстары жүргізілуде. Бұл туралы ҚР Ауыл шаруашылығы министрлігінің баспасөз қызметі хабарлады.

"Маусым айында 7 млн 700 дана жас тұқы балығы жіберілді. Күзге дейін тоғандардың ауданы 25 гектарға дейін ұлғайтылады, содан кейін қуаттылығы жылына 15-20 млн жас балықты құрайтын инкубациялық цех салу жұмыстары басталады. Тауарлық балықтың алғашқы партиясын 2025 жылы алуды жоспарлап отырмыз", - деді "Арал Рыбторг" ЖШС басшысы Қуаныш Өмірзақов.

Жобаның құны 150 млн теңгені, қуаты-жылына 300 тонна тұқы құрады.

Ауыл шаруашылығы министрлігі мемлекет тарапынан балық шаруашылығын қолдау бизнестің үлкен қызығушылығын тудырғанын атап өтті. Балық өсіретін шаруашылықтар үшін салықтар 70%-ға төмендетілді, сондай-ақ олар салынған инвестициялардың 25% өтеуге, жем құнының 30%-ы мөлшерінде субсидия алуға және жас балықты, дәрі-дәрмектерді, бағалы балық түрлерінің аналық табынын сатып алуға және балық өсірудің биологиялық негіздемесін әзірлеуге жұмсалатын шығыстардың 50% алуға сене алады.

Балық шаруашылығы субъектілері үшін қаржылық қолдаудың бұл шаралары балық шаруашылығын дамытудың 2021-2030 жылдарға арналған бағдарламасы шеңберінде қабылданды. Осы кезеңде саланы дамытуға 268,8 млрд теңге, тағы 340,5 млрд теңге - бюджеттен тыс жеке инвестициялар бағытталатын болады.