Қазақстан Иранға мұздатылған сиыр етін экспорттай алады. Тиісті меморандумға 3 желтоқсанда Тегеранда Қазақстанның ауыл шаруашылығы вице-министрі Аманғали Бердалин мен Иранның ветеринарлық ұйымының басшысы Моджтаба Норузи қол қойды. Бұл туралы ҚР АШМ баспасөз қызметі хабарлады.
"Бұл құжат отандық мал өсірушілердің мұздатылған етін жеткізу үшін жаңа экспорттық жолдарды ашуда. Осы уақытқа дейін қазақстандық өндірушілер Иранға сақтау мерзімі үш күнге дейін тоңазытылған сиыр етін ғана жеткізе алды", - деп хабарлады Ауыл шаруашылығы министрлігі.
Енді тараптар Иран Қазақстаннан сүйексіз мұздатылған сиыр етін импорттауға ветеринариялық-санитариялық талаптар қояды деп келісті.
Сондай-ақ, Қазақстан вакуумдық қаптамадағы жаңа сиыр етінің жарамдылық мерзімін 3 күннен 16 күнге дейін ұзартуды сұрады. Жауап ретінде ирандық тарап Қазақстаннан осы технология бойынша ғылыми құжаттарды қарау үшін сұрады.
Қарастырылған тағы бір мәселе – ирандық сүт компанияларын Еуразиялық экономикалық одақ елдеріне өнім импорттауға құқығы бар үшінші елдердің тізіліміне енгізу туралы. Қазақстан Иранның ветеринарлық қызметі мен сүт кәсіпорындарының аудиті мен бірлескен инспекциясын өткізгеннен кейін осы мәселеде ынтымақтасуға дайын екенін мәлімдеді.
