Биыл күз күнтізбелік мерзімде келеді. Қыркүйектің алғашқы күндерінде Қазақстанның басым бөлігінде жаңбыр, кейде қатты, екпінді жел, найзағай, бұршақ және ауа температурасының төмендеуі сақталады. Елдің оңтүстік-шығысындағы таулы аймақтарда түнде жаңбыр мен қар түрінде жауын-шашын болуы мүмкін. Атмосфералық қысымның жоғарылауымен батыс аймақтарда ауа-райы негізінен жауын-шашынсыз болады деп күтілуде. Бұл туралы Қазгидромет хабарлайды.
Айдың басында батыста, содан кейін ҚР солтүстік-батысында ауа температурасының көтерілуі болжанады:
Қазақстанның Орталық, оңтүстік өңірлерінде ауа температурасының ауытқуы болжанады:
Республиканың шығысында түнде ауа температурасының +5+15°С-тан +2+10°С-қа дейін, күндіз +20+27°С-тан +17+22°С-қа дейін, таулы аудандарда +15°С-тан +12°С-қа дейін төмендеуі күтіледі.
Қыркүйектің екінші және үшінші онкүндігінде республиканың солтүстік, орталық және шығыс өңірлерінде ауа температурасының түнде +5+13°С-тан 0,+5°С-қа дейін ауытқуы күтіледі, 3 градусқа дейін аяз болуы мүмкін, күндіз +18+27°С-тан +10+15°С-қа дейін. Еліміздің оңтүстік аймақтарында едәуір жылы, кейбір күндері ауа күндіз +20+25°С-тан +28+33°С-қа дейін жылынады.
Жалпы алғанда, бір айдағы орташа ауа температурасы республика аумағының басым бөлігінде нормаға жуық, Батыс Қазақстан, Атырау, Маңғыстау, Ақтөбе облысының солтүстік-батыс жартысында, Қостанай облысының солтүстігінде, Солтүстік Қазақстан облысының қиыр солтүстік-батысында нормадан 1° жоғары болады деп күтілуде.
Қыркүйек айында жауын-шашын мөлшері республиканың басым бөлігінде нормаға жуық, Қазақстанның оңтүстік-батысында, орталығында, оңтүстігінде және оңтүстік-шығысында нормадан аз болады деп болжануда.
