Қазақстанда күзде ауа райы қандай болады

Қазгидромет Қазақстанда қыркүйек-қараша айларына арналған маусымдық ауа райы болжамын шығарды. Жалпы, күз жылы болады деп күтілуде, ал жаңбыр көпжылдық нормадан аз болады.

Синоптиктердің болжамы бойынша қыркүйек айында республиканың басым бөлігінде орташа ауа температурасы нормаға жақын болады деп күтілуде. Нормадан 1° жоғары температура Батыс Қазақстан, Атырау, Маңғыстау, Ақтөбенің солтүстік-батыс жартысында, Қостанайдың солтүстігінде және Солтүстік Қазақстан облыстарының солтүстік-батысында болжанады.

Қыркүйек айында жауын-шашын мөлшері республиканың көп бөлігінде нормаға жақын болады деп болжануда. Маңғыстау және Ұлытау облыстарында, Қарағанды, Қызылорда, Түркістан, Жамбыл, Алматы және Жетісу облыстарының басым бөлігінде, Атыраудың қиыр оңтүстік-шығысында, Ақтөбе облысының қиыр оңтүстік-батысында, Абай облысының оңтүстік-батысында жаңбыр нормасы аз болады деп күтілуде.

Қазан айында орташа айлық ауа температурасы елдің көп бөлігінде нормадан 1° жоғары болады деп күтілуде. Нормаға жақын - Түркістан, Жамбыл және Алматы облыстарының таулы аудандарында.

Қазан айында жауын-шашын мөлшері бүкіл елде қалыпты болады деп күтілуде.

Қараша айында ауаның орташа температурасы республиканың басым бөлігінде нормадан 1-2° жоғары, Түркістан, Жамбыл, Алматы, Маңғыстау, Қызылорда және Жетісу облыстарының басым бөлігінде нормаға жақын болады деп күтілуде.

Қараша айында жауын – шашын мөлшері республиканың басым бөлігінде нормадан аз, Батыс Қазақстан, Атырау, Маңғыстау, Солтүстік Қазақстан, Ақтөбе, Қостанай, Ақмола, Павлодар облыстарының басым бөлігінде, Алматы облысының оңтүстік жартысында, Түркістан, Жамбыл, Шығыс Қазақстан облыстарының таулы және тау бөктерлі аудандарында және Жетісу облысында нормаға жақын деп болжанады.