Павлодар облысының фермерлеріне қандай көмек көрсетіледі

Павлодар облысының фермерлері үшін ағымдағы маусым ауа райының қолайсыздығына байланысты қиын болды. Осыған байланысты аймақта фермерлерді қолдау және құрғақшылықтың салдарын азайту үшін шаралар қабылданды. Бұл туралы ОКҚ брифингінде облыс әкімі Асаин Байханов мәлімдеді.

"Жергілікті бюджеттен фермерлердің жем дайындауға жұмсаған шығындарының құнын арзандату үшін 3 млрд теңге бөлінді. 1,5 мыңнан астам мал шаруашылығын жүргізуші мемлекеттік қолдауға ие болды. ІҚМ бір басына шаққандағы жем құнын 7 мың теңгеден 15 мың теңгеге дейін; ұсақ мал - 3 мың теңгеден 5 мың теңгеге дейін арзандату нормативі ұлғайтылды", - деді әкім.

Сондай-ақ шөп шабу үшін арзандатылған дизель отынының көлемі 4 мың тоннадан 10 мың тоннаға дейін ұлғайтылды. Жеңілдікті баға 232 теңге/литрді құрайды, бұл дизель отынының нарықтық құнынан 21% - ға төмен.

Бұдан басқа, шөп дайындау үшін ауданы 25 мың гектардан асатын мемлекеттік орман қоры жерлерінен 20 мың тоннаға жуық шөп дайындалған қосымша шабындық алқаптар бөлінді.

"Павлодар" ӘКК жанынан қора кезеңінде халыққа сату үшін 5 мың тонна көлемінде жемдік астықты тұрақтандыру қоры құрылды. Үкіметтің қолдауымен республикалық бюджеттен инвестициялық шығындарды, тұқымдарды, пестицидтерді, тыңайтқыштарды, мал шаруашылығы бойынша асыл тұқымды және селекциялық жұмыстарды субсидиялауға 6,8 млрд теңге бөлінді", - деді Асаин Байханов.

Сондай-ақ, ол құрғақшылықтан сақтандырылған облыстың 38 шаруашылығына 1,3 млрд теңге сомасында сақтандыру төлемдері берілгенін хабарлады.

Бұдан басқа, қаржы институттарымен 95 қарызды қайта құрылымдау және ұзарту мәселелері пысықталды. Оның ішінде 42 қарыз мақұлданды, қалғандары Аграрлық несие корпорациясының; ҚазАгроҚаржы мен несиелік серіктестіктердің жұмысында.