Бруцеллезге байланысты Қостанай ауылында карантин енгізілді

Қостанай облысы Новонежин ауылдық округінің Калинин ауылында ірі қара мал арасында бруцеллез анықталды.

Әулиекөл ауданы әкімінің шешімімен ауыл аумағында шектеу іс-шаралары енгізілуде.

Ауыл аумағында жануарларды шектеу белгіленген аумақ арқылы алып жүруге (айдап әкетуге), сау жануарларды әкелуге, сондай-ақ жануарларды союға жөнелтілген жағдайлардан басқа, әкетуге уақытша жол берілмейді.

Сондай-ақ, қолайсыз аумақта шөп, сабан және басқа да ірі жемшөптерді басқа аумаққа әкету үшін дайындауға уақытша тыйым салынады. Жануарлардың немесе адамдардың жиналуына байланысты іс-шараларға тыйым салынады.

Анықталған эпизоотиялық ошақта ветеринариялық-санитариялық іс-шаралар жүргізілетін болады.