ҚазАгроҚаржы вегетациялық және егін жинау кезеңінде қолайсыз ауа-райынан зардап шеккен фермерлерге ақшалай міндеттемелерді уақтылы орындамағаны үшін тұрақсыздық айыбын толық көлемде есептен шығаруды бастайды. Бұл туралы ҚАҚ баспасөз қызметі хабарлады.
2023 жылғы 1 шілдеден бастап қаржыландыру шарттары бойынша төлемдерді қайта құрылымдауды/ұзартуды алған аграрларға 2023 жылғы 1 шілдеден 10 желтоқсанға дейінгі кезеңде есептелген орындалмаған қаржылық міндеттемелер үшін тұрақсыздық айыбы есептен шығарылады.
Сондай-ақ, 11 желтоқсанға дейін есептелген тұрақсыздық айыбы негізгі борыш және/немесе сыйақы бойынша мерзімі өткен міндеттемелері бар ҚАҚ клиенттеріне, егер олар 10 желтоқсанды қоса алғанда толық өтелген болса, есептен шығарылады.
Акцияға қатысу үшін жазбаша өтініш беру қажет. Толық ақпарат алу үшін ҚазАгроҚаржы өңірлік филиалдарына жүгіну қажет.
