Қазақстан жаңа егіннің 3,7 млн тонна астығын экспорттады

ҚТЖ деректері бойынша, 2024 жылғы қыркүйектен бастап 25 желтоқсанға дейін Қазақстан 3,7 млн тонна жаңа егін астығын экспорттады. Бұл 2023 жылдың сәйкес кезеңінен 54%-ға жоғары (2,4 млн тонна), деп хабарлады Ауыл шаруашылығы министрлігінің баспасөз қызметінен.

Астық экспортының айтарлықтай өсуі Өзбекстанға - 44% (994 мың тоннадан 1 427 мың тоннаға дейін), Тәжікстанға - 53% (385 мың тоннадан 589 мың тоннаға дейін), Ауғанстанға - 52% (120 мың тоннадан 182 мың тоннаға дейін), Қырғызстанға - 22% (59 мың тоннадан 72 мың тоннаға дейін) байқалады. Иранға экспорт (Ақтау порты арқылы) 30,2 есеге, 14 мың тоннадан 435 мың тоннаға дейін ұлғайтылды.

Жалпы, ағымдағы жылдың 11 айында 9,2 млн тонна астық жүктері тасымалданды, оның ішінде ел ішінде 2,2 млн тонна және экспортқа 7 млн тонна.