Жаңа егінді жаппай жинау қарсаңында Қазақстан үкіметі бизнес-қоғамдастықпен бірлесіп астықты сату бойынша бірқатар кеңестер өткізді. Нәтижесінде қазақстандық астықтың Қытайға, Иранға және басқа елдерге экспортын ұлғайтуға көмектесетін жаңа шараларды енгізу бойынша уағдаластықтарға қол жеткізілді. Экспорт географиясы Еуропа мен Африка елдеріне қарай да кеңейетін болады. Бұл туралы "Атамекен" ҰКП хабарлайды.
Кәсіпкерлер палатасының ақпараты бойынша, дәстүрлі нарықтар мен жаңа импорттаушы елдер тарапынан қазақстандық астыққа жоғары қызығушылық байқалады.
Астықты сыртқы нарықтарға жеткізудің жалпы көлемі (өткен жылдың өтпелі қалдықтарын ескере отырып) 10 млн тоннадан астам бағаланады.
"Бүгінгі таңда негізгі астық дақылына ішкі және сыртқы бағалардың қалыптасқан конъюнктурасын – астық сапасын, жинауға, сақтауға, тасымалдауға жұмсалатын шығындарды, үкіметтің, ҚТЖ, Азық-түлік корпорациясы мен бизнес қоғамдастықтың экспортқа жағдай жасау жөніндегі үйлестірілген жұмысын, сондай-ақ сыртқы нарықтардағы жеткілікті жоғары сұранысты, экспорттың болжамды орташа бағасын ескере отырып, негізгі дәнді дақылға жұмсақ бидай ҚҚС есебінсіз тоннасына 80-85 мың теңге деңгейінде күтіледі. Фермерлер өз астығын уақытында жинап, сақтап, лайықты бағамен сатуға дайын", - деді ҰКП Басқарма төрағасының орынбасары Ербол Есенеев.
