Қазақстан 2023 жылдың соңына дейін 4 млн тоннаға дейін астық экспорттауды мақсат етіп отыр. Бұл туралы "ҚазАқпарат" ХАА хабарлады.
"Біз 3-4 млн тонна сатуымыз керек, бұл сөзсіз", - деді ҚР премьер-министрінің орынбасары - сауда және интеграция министрі Серік Жұманғарин қазақстан-тәжік бизнес-форумының аясында астық экспорты жөніндегі жоспарлар туралы сұраққа жауап бере отырып.
Сондай-ақ, ол бірінші кезекте Қазақстандық агроөнеркәсіптік өнімдерді өткізудің жаңа бағыттарын игеру жоспарлары туралы айтты. Вице-премьердің айтуынша, Қазақстан Ауғанстанмен Түрікменстан арқылы жаңа бағыттар ашу бойынша келіссөздер жүргізуде, сондай-ақ Өзбекстан арқылы екі станцияны пайдалану ұсынылады.
"Біз қазір Дарбаза-Мақтаарал темір жолын салып жатырмыз. Мен жақында сонда болдым. Бұл, біріншіден, аймақтың дамуына серпін береді, екіншіден, бағытты әртараптандырады. Сарығаш торабы өте тығыз бітелген, ал Дарбаза-Мақтаарал Өзбекстанға басқа жолмен, сол жерден Тәжікстанға кіруге мүмкіндік береді. Жол 2025 жылға қарай салынады", - деді Серік Жұманғарин.
Жалпы, ҚР вице-премьері атап өткендей, Қазақстан мен Өзбекстан тепе-тең негізде келіссөздер жүргізуде, өйткені екі ел де тауарлардың транзитіне мүдделі.
