"Ақ Бидай – Терминал" АҚ астық терминалы арқылы Иранға астықты ауыстырып тиеу көлемі 2023 жылы шамамен 126 мың тоннаны құрады. Ағымдағы жылы ауыстырып тиеуді 400 мың тоннаға дейін ұлғайту жоспарлануда. Бұл туралы Азық-түлік корпорациясының баспасөз қызметі хабарлады.
2023 жылы "Ақ Бидай – Терминал" арқылы Иранға жіберілді:
Қазіргі уақытта терминал штаттық режимде жұмысын жалғастыруда, жүк жөнелтушілерден астық қабылдау жүргізілуде. 2024 жылғы қаңтарда астықты ауыстырып тиеуге келісілген көлем 18 800 тоннаны құрайды. 2024 жылға арналған астық терминалы арқылы астықты ауыстырып тиеу жоспары 400 000 тоннаны құрайды.
"Ақ Бидай-Терминал" АҚ астық терминалы Каспий теңізінің шығыс жағалауында Ақтау теңіз портында орналасқан. Терминал 2002 жылы Қазақстан Республикасы Президентінің Жарлығымен бекітілген Қазақстан Республикасының Аграрлық азық-түлік бағдарламасын іске асыру шеңберінде құрылды.
2007 жылы кәсіпорын жаңғыртылды. Терминал әлемнің жетекші компаниялары өндіретін жоғары технологиялық жабдықтармен жабдықталған, бұл терминалдың өткізу қабілетін жылына 600 мың тонна астыққа дейін арттыруға мүмкіндік берді.
Терминалда жалпы көлемі 22,5 мың тонна астықты уақытша сақтауға арналған 11 сүрлем бар. Терминалдың ауыстырып тиеу жөніндегі көлік коммуникацияларының өндірістік қуаты сағатына 350 тоннаға дейін астықты құрайды, бұл теміржол вагондарынан тәулігіне 3 мың тоннаға дейін астықты қабылдауға, ал теңіз кемелеріне тәулігіне 4 мың тоннаға дейін астықты жөнелтуге мүмкіндік береді.
Терминал тәулік бойы жұмыс істейді, белсенді желдету жүйесімен, жоғары дәлдіктегі электронды таразылармен және қызметтердің жоғары сапасын қамтамасыз етуге мүмкіндік беретін барлық технологиялық циклды басқарудың автоматтандырылған жүйесімен жабдықталған.
