Тауарлар
Қызметтер
Тасымалдау қызметі
Ауыл шаруашылығындағы ынтымақтастықты ҚР Ауыл шаруашылығы вице-министрі Ермек Кенжеханұлы және Ирактың Қазақстандағы уақытша сенімді өкілі Джабер Нажма Адбуллах Аль-Темими талқылады. Атап айтқанда, Иракқа қазақстандық сиыр еті мен қой етін жеткізуді жолға қою ұсынылды, деп хабарлады ҚР Ауыл шаруашылығы министрлігінің баспасөз-қызметінде.
"Ауыл шаруашылығы саласындағы ынтымақтастықтың әлеуеті зор. Біз екіжақты байланыстарды нығайтуға, сауданы дамытуға, астық, күріш, ұн, сондай-ақ мал шаруашылығы өнімдерін жеткізуді жандандыруға дайынбыз. Экспортталатын позициялардың тізімі кеңейтіліп, жеткізу көлемі ұлғайтылуы мүмкін", - деді Ермек Кенжеханұлы.
Ол сондай-ақ АШМ-нің ірі және ұсақ мал экспортын кеңейту, жаңа нарықтар ашу бойынша қабылдаған шаралары туралы айтты. Атап айтқанда, қазақстандық ауыл шаруашылығы өндірушілері Иракқа 30 мың тоннаға дейін қазақстандық сиыр мен қой етін жеткізуге, сондай-ақ ІҚМ-нің асыл тұқымды және өнімді сапасын жақсарту үшін асыл тұқымды материал ұсынуға дайын.
Өз кезегінде Джабер Нажма Адбулла Аль-Темими бірқатар бағыттар бойынша қарым-қатынасты дамытуды ұсынды.
"Біз мелиорация, агротехника, мал шаруашылығы саласында оң тәжірибесі бар Қазақстанмен ынтымақтастыққа мүдделіміз", - деді ол.
Кездесу соңында тараптар ауыл шаруашылығы саласындағы өзара тиімді ынтымақтастықты одан әрі нығайту туралы келісті.
АШМ деректері бойынша 2023 жылы ҚР мен Ирак арасындағы АӨК өнімінің тауар айналымы $1 млн долларды, ал 2024 жылғы қаңтар-шілдеде - $672 мың долларды құрады. 2024 жылғы қаңтар-шілдеде ҚР-дан Иракқа экспорт 640 мың доллардан асты. Негізінен Иракқа пияз, күріш, ұн, ІҚМ және ҰММ мал майы экспортталады.
