Қытайдың ірі мемлекеттік корпорациясы COFCO Қазақстанда астық сатып алумен қатар, басқа да ауыл шаруашылығы өнімдерін жеткізуге мүдделі. Одан әрі ынтымақтастық мақсатында Корпорация мен Қазақстан ауыл шаруашылығы министрлігінің басшылығы үш жыл мерзімге келісімшарттар жасасуға келісті. Бұл туралы Ауыл шаруашылығы министрлігінің баспасөз қызметі хабарлады.
ҚР Ауыл шаруашылығы министрі Айдарбек Сапаровпен кездесуде COFCO президенті Бай Юн астық өнімдерін, қазақстандық мал шаруашылығы өнімдерін, майлы дақылдарды, сондай-ақ күнбағыс және зығыр майларын жеткізуге қызығушылық білдірді.
Келіссөздер қорытындысы бойынша тараптар Қазақстан мен Қытай арасындағы агроөнеркәсіптік саладағы тұрақты және өзара тиімді өзара іс-қимылды қамтамасыз ететін үш жылдық келісімшарттарға қол қою туралы мәселені талқылауға келісті, деп атап өтті Ауыл шаруашылығы министрлігі.
"Қазақстандық өсімдік шаруашылығы өнімдерін ҚХР нарығына жеткізуде үлкен әлеует бар. Қазақстандық астықтың Қытай бағытындағы экспорты біз үшін үлкен қызығушылық тудырады. COFCO астық жеткізу саласындағы Қазақстан үшін негізгі және стратегиялық сауда серіктестерінің бірі болып табылады. Біз ынтымақтастықты күшейтуге және жеткізілім көлемін арттыруға дайынбыз", - деді Айдарбек Сапаров.
COFCO астық және майлы дақылдарды қоса алғанда, ауылшаруашылық өнімдерін өңдеумен, экспорттаумен, логистикамен айналысады. Компания қытай нарығындағы өсіп келе жатқан сұранысты қанағаттандыру үшін жоғары сапалы өнімдердің, оның ішінде Қазақстаннан импортты белсенді түрде кеңейтуде.
