Тауарлар
Қызметтер
Тасымалдау қызметі
Мәжіліс депутаты Айдарбек Ходжаназаров Маңғыстау облысындағы жалғыз құс фабрикасы қаржыландыруда қиындықтарға тап болып, жабылу алдында тұрғанын хабарлады. Депутаттар бұл өндірісті өңірлер бойынша сапар аясында аралады.
Айдарбек Ходжаназаров атап өткендей, "Ақтау Агро" құс фабрикасы өңірдің тауық етіне деген қажеттілігінің жартысына жуығын жабады.
"Бірнеше жыл бұрын жоба "Аграрлық несие корпорациясын" қаржыландыру және инвестордың қаражаты есебінен жүзеге асырылып жатқандығы айтылды. "Ақтау Агро" ЖШС инвестициялық жобасы Маңғыстау облысындағы ет бағытындағы ең ауқымды және бірегей өндіріс болуы тиіс еді, оның қуаттылығы жылына шамамен 5 мың тонна тауық етін құрайды, бұл өңірдің импортқа тәуелділігін екі есе қысқартуға ықпал етуі тиіс еді. Алайда қазір кәсіпорын жабылу алдында тұр", - деп жазды депутат Facebook-те.
Өйткені, кәсіпорын өнімді сату және айналым қаражатын алуда үлкен қиындықтарға тап болуда. Айдарбек Ходжаназаровтың айтуынша, ол қалыптасқан жағдайды жеке бақылауға алды.
