Қазақстан ауыл шаруашылығы министрлігі бұқашықтар мен қошқарларды әкетуге квота белгілеу жөніндегі бұйрықтың жобасын әзірледі. Шектеулер алты ай мерзімге енгізіледі.
Шетелге, оның ішінде Еуразиялық экономикалық одақ елдеріне 60 мың бұқа мен 120 мың қошқарды әкетуге болады деп жоспарлануда.
12 айдан асқан бұқашықтарды әкету үшін сандық лимит бордақылау алаңдары үшін және тауар өндірушілер үшін 30 мың басты, ал 6 айдан асқан қошқарларды әкету үшін - бордақылау алаңдары үшін 30 мың басты және тауар өндірушілер үшін 90 мың басты құрайды.
Бұл ретте бұқашықтарды әкетуге квота алу үшін бір бордақылау алаңына лимит жиынтық саны 4 мың бастан аспайды, ал бір тауар өндірушіге – 500 бастан аспайды. Қошқарларды әкетуге - бір бордақылау алаңына 1000-нан аспайды және бір тауар өндірушіге 500-ден аспайды.
Естеріңізге сала кетейік, Қазақстаннан аналық мал басын әкетуге тыйым салынған. Ал тірі малды әкетуге көрсетілген бұйрықпен ұзарту жоспарланып отырған квоталар қолданылады.
