Lactalis және Danon Қазақстанда бірлескен өндірістерді жоспарлап отыр

Қазақстанға француз ауыл шаруашылығы компанияларының делегациясы келді, оны сыртқы сауда, экономикалық тартымдылық және шетелдегі француздардың істері жөніндегі министр-делегат Оливье Бешт басқарды. Ауыл шаруашылығы министрі Ербол Қарашөкеев кездесуде француз кәсіпкерлерін тұқым шаруашылығы, өсімдік шаруашылығы және азық-түлік өндірісі салаларына инвестиция салуға шақырды.

Ауыл шаруашылығы министрлігінің баспасөз қызметінен хабарлағандай, Қазақстан аумағында сүт өңдеу саласына Lactalis және Danon компаниялары инвестиция салуды жоспарлап отыр.

Сонымен қатар, Evolution компаниясымен бірлесіп генетикалық орталық құру жобасы пысықталуда. Бұл француз селекциялық бағдарламалары арқылы ірі қара мен ұсақ малдың асыл тұқымды көбеюін жақсартуға ықпал етеді. Бұл жоба "Assyl Tulik" АҚ-мен бірлесіп іске асырылуда және Қазақстанда мал шаруашылығы генетикасының дамуына жаңа серпін береді.

Ербол Қарашөкеев Француз ветеринариясы әлемдік көшбасшы болып табылатынын және қазір қазақстандық QazBioPharm холдингі Boehringer Ingelheim компаниясымен ветеринариялық вакциналарды шығару бойынша жобаны пысықтап жатқанын атап өтті. Аудит қорытындысы бойынша жобаны іске асырудың нақты кезеңдері бойынша уағдаластықтарға қол жеткізілді. Келесі өршіл қадам өндірілетін вакциналарды Орталық Азия елдері мен Моңғолияға экспорттау болмақ.

АШМ басшысы Қазақстан мен Франция арасындағы ынтымақтастық үшін қолда бар әлеуетті толыққанды пайдалану үшін екі елдің министрліктері, ведомстволары мен ауыл шаруашылығы өндірушілері арасындағы байланыстарды күшейту қажеттігін атап өтті.