Егістікке арналған жеңілдікті дизель отыны бөлшек саудадан 15% арзан болады

Көктемгі егіс жұмыстарын жүргізуге Қазақстан аграрларына 250 теңге/литр бағамен 340,2 мың тонна жеңілдікті дизель отынын жеткізуді жоспарлап отыр. Бұл туралы Энергетика министрлігінің баспасөз қызметі хабарлады.

"Энергетика министрлігі ұсынған дизель отынының бағасы Ауыл шаруашылығы өнімдерін өндірушілер үшін тікелей 250 теңге/литрді құрайды, бұл ЖМҚС "пистолетіндегі" бөлшек сауда бағасының 15% - на төмен және 2023 жылғы егін жинау жұмыстарынан кейін өзгеріссіз қалады", - деп хабарлады Энергетика министрлігі.

Ұсынылған баға барлық өңірлер үшін бірыңғай болып табылады және отын жеткізу жөніндегі өңірлік операторлардың тасымалдау шығындары мен маржасын қамтиды.

Энергетика министрлігі мен ауыл шаруашылығы министрлігі бекіткен кестеге сәйкес Қазақстанның 17 өңірінде ауыл шаруашылығы өнімдерін өндірушілерге 1 ақпаннан 30 маусымға дейін 340,2 мың тонна дизель отынын басым тиеп жөнелту жоспарлануда. Атырау, Павлодар және Шымкент МӨЗ өндірісінің дизель отынын тиеу және жеткізу "ҚазМұнайГаз" ұлттық компаниясы мен Petrosun ЖШС ресурстарынан жүзеге асырылады.

Қазіргі уақытта облыс әкімдіктері жанындағы арнайы комиссиялармен отын жеткізу жөніндегі өңірлік операторлар айқындалуда.