Ауыл шаруашылығы министрлігі тірі малды әкетуге шектеулерді бекітетін бұйрыққа өзгерістер енгізді. Жаңа бұйрықпен бұқашықтарды әкетуге арналған бір бордақылау алаңына лимит ұлғайтылды.
Құжатқа сәйкес, бір бордақылау алаңына 12 айдан асқан бұқашықтарды әкетуге арналған лимит 500 – ден 4 мың басқа дейін, ал бір тауар өндірушіге-200-ден 500 басқа дейін ұлғайтылды.
6 айдан асқан қойларды әкету лимиті өзгерген жоқ және бордақылау алаңдары үшін - 1000 басты, бір тауар өндірушіге – 500 басты құрайды.
Бұған дейін Ауыл шаруашылығы министрлігі мал экспорты бекітілген квотадан әлдеқайда төмен екенін хабарлаған болатын. 1 қыркүйектегі жағдай бойынша бордақылау алаңдарында 7 166 бұқа карантинге қойылды. АШЖБ және облыс әкімдіктерінің деректері бойынша қыркүйек айының басында бордақылау алаңдарында 82 мыңнан астам бұқа ұсталды.
Бордақылауда тұрған бұқашықтардың кондициясына қол жеткізу мерзімін ескере отырып, бұйрықтың қолданылу мерзімі аяқталғанға дейін 30 мың бас мөлшерінде белгіленген квотаны толық игеру үшін бір бордақылау алаңына лимитті 8 есеге арттыру ұсынылды.
