Америкалық Lindsay Corporation компаниясы Қазақстан аумағында ирригациялық жабдықтар өндірісін оқшаулау жөніндегі жобаны іске асыру мүмкіндігін қарастыруда. Бұл туралы ҚР Ауыл шаруашылығы министрлігінің баспасөз қызметі хабарлады.
Өндірісті іске қосу жоспары туралы Lindsay корпорациясының президенті Оберто Густаво ҚР ауыл шаруашылығы вице-министрі Ермек Кенжеханұлымен кездесуде мәлімдеді. Тараптар жобаның егжей-тегжейін де талқылады.
Ермек Кенжеханұлы Ауыл шаруашылығы министрлігінің алдында ауыл шаруашылығы өнімдерін жалпы жинауды, оның ішінде қазіргі заманғы техникалық суару құралдарын енгізу есебінен ұлғайту міндеті тұрғанын атап өтті.
"Сіздің компанияңыз ұсынатын суару, инфрақұрылым және өнеркәсіптік технологиялар саласындағы инновациялық инженерлік шешімдер бізді қатты қызықтырады. Оларды пайдалану агроөнеркәсіптік кешеннің дамуына жағымды әсер етеді. Біз осы бағытта ынтымақтасуға дайынбыз", - деді вице-министр.
