Манасов АӨК мемлекеттік инспекция комитетінің төрағасы қызметінен кетті

Ауыл шаруашылығы министрінің бұйрығымен Берік Манасов ҚР АШМ Агроөнеркәсіптік кешендегі мемлекеттік инспекция комитетінің төрағасы қызметінен босатылды. Бұл туралы үкіметтің баспасөз қызметі хабарлады.

Берік Манасов 2023 жылдың тамыз айынан бастап АӨК мемлекеттік инспекция комитетін басқарды.

Манасов 1985 жылы Шымкентте дүниеге келген. Қазақ гуманитарлық-заң университетін бітірген. Президенттік жастар кадрлық резервінің мүшесі.

Еңбек жолын 2005 жылы жеке ұйымда қаржы талдаушысы болып бастаған. 2007 жылы Екінші деңгейдегі банкте ШОБ несиелеу бөлімінің маманы болып жұмыс істеді.

2007-2008 жылдары — "Abadan Investments" АҚ инвестицияларды орналастыру департаментінің менеджері.

2008-2013 жылдары "Аграрлық несие корпорациясы" АҚ-да әртүрлі лауазымдарды атқарды.

2013-2014 жылдары - Ауыл шаруашылығын қаржылай қолдау қорының Қазынашылық департаментінің бас менеджері, директоры.

2018 жыл — "ҚазАгроГарант" АҚ ішкі бақылау қызметінің бастығы.

2022-2023 жылдары - ҚР Ауыл шаруашылығы министрлігінің Халықаралық ынтымақтастық және инвестициялар тарту департаментінің директоры.