Банан өсіру бойынша бірегей жылыжай кешенін 2023 жылы Түркістан облысында GenGroup Kazakhstan компаниясы іске қосты. Қазір компания жаңа дақылдарды өсіруге көшіп, өндірісті ұлғайтуды жоспарлап отыр, деп хабарлады ҚР Ауыл шаруашылығы министрлігінің баспасөз қызметінен.
Жобаны бастамас бұрын инвесторлар Түркияның ауыл шаруашылығын дамыту тәжірибесін зерттеді. Климаттық жағдайларға төзімділік мәселелеріне ерекше назар аударылды. Ауа райы жағдайлары мен топырақтың сипаттамаларын мұқият талдағаннан кейін Түркістан облысының Сайрам ауданында банан өсіру туралы шешім қабылданды. Өндіріс қуаттылығы - жылына 1 мың тонна банан.
"5 га алқаптағы алғашқы жылыжай 2023 жылдың маусым айында пайдалануға берілді. 2024 жылдың мамыр айының соңында алғашқы өнім жиналды", - деп хабарлады Ауыл шаруашылығы министрлігінде.
Ведомствоның мәліметінше, қазіргі уақытта GenGroup Kazakhstan қызанақ пен құлпынай өсіретін жаңа жылыжай кешенін салуды жоспарлап отыр. Ауданы 6 га жылыжайдың қуаты 3 мың тонна қызанақ, 130 тонна құлпынай болады. Жобаның жалпы құны 13,4 млрд теңгеге бағаланады, ал жобаларды іске асыру 2025 жылдың соңына дейін аяқталады.
Сонымен қатар, қазіргі уақытта 10 га ашық жерге манго, авокадо және көкжидек өсіру жобасы әзірленуде.
