Ауыл шаруашылығы министрлігі қаржы институттарын тікелей субсидиялауды бастауда

Ауыл шаруашылығы министрлігі даму институттарымен бірлесіп сыйақы мөлшерлемелерін субсидиялау бағдарламасын іске асыру бөлігінде жаңа тәсілдерді әзірледі. Бұл туралы ведомстводан хабарлады.

Бұған дейін бизнес-қоғамдастық тарапынан субсидияларды тікелей қаржы институттарына аудару арқылы сыйақы мөлшерлемелерін субсидиялау тетігін оңайлату қажеттігі туралы бірнеше рет мәлімделген болатын. Субсидиялаудың жаңа моделі фермердің өңірлік ауыл шаруашылығы басқармаларына субсидиялауға өтінім беру процесін алып тастауға және қарыз шартын ресімдеген сәттен бастап бірден субсидия алуға мүмкіндік береді.

"Ұсынылған тетік сонымен қатар ауыл шаруашылығы тауарын өндірушілерді жылдық 5%-дан аспайтын сыйақы мөлшерлемесі бойынша көктемгі егіс және егін жинау жұмыстарын жүргізуге қосымша қаржыландыруға мүмкіндік береді. Жалпы, бұл АӨК субъектілерінің жеңілдетілген қаржыландыруға қолжетімділігін едәуір кеңейтеді", - деп атап өтті АШМ-де.

Тиісті бұйрықты қабылдау фермерлер үшін қосымша жеңілдікті қаржыландыру көздерін ұсынады, бұл ағымдағы жылдың егіс науқаны мен егін жинау жұмыстарының қарқынына оң әсерін тигізеді.