Ауыл шаруашылығы министрлігі су тасқыны кезіндегі мал шығынын айтты

Қазақстанда су тасқыны кезінде 12,5 мыңға жуық мал қырылды. Тағы 139,4 мың бас жануарлар су басу орындарынан қауіпсіз қашықтыққа айдалды. Бұл туралы ОКҚ брифингінде ауыл шаруашылығы вице-министрі Аманғали Бердалин мәлімдеді.

"Жедел деректер бойынша өлген жануарлардың саны 12 450 басты құрайды, оның ішінде 5 108 бас ҰММ, ІҚМ – 4 326, жылқы – 1 724, шошқа – 230, түйе – 34, құс – 1028. Өлген жануарлардың барлық өлекселері жиналып, жойылды", - деді Аманғали Бердалин.

Малдың шығыны Абай, Ұлытау, Ақтөбе, БҚО, Қостанай, Ақмола, Атырау, Қарағанды, СҚО облыстарында тіркелді.

Вице-министр атап өткендей, "су тасқынының алғашқы сағаттарында судың тез келгені соншалық, бірқатар аймақтарда жануарларды эвакуациялау немесе қауіпсіз қашықтыққа шығару мүмкін болмады, содан олар өлді".

Осы уақытқа дейін өлген мал үшін өтемақы толық көлемде төленді. Жалпы сомасы 2,4 млрд теңгені құрады.

Сонымен қатар, 12 сібір жарасы (Ақтөбе – 3, БҚО – 3 және СҚО – 6) және 8 мал қорымы (БҚО) су астында қалды. Су ағып жатқан кезде көму орындарынан топырақ үлгілері алынды.

"Сібір жарасы спораларының көму бетіне шығу үлгілері зерттеу нәтижесінде анықталған жоқ. Сондай-ақ, бұл көму орындарының шайылыпп кету фактілері жоқ. Мұның бәрі саркофагтың көмуден жер бетіне споралардың енуіне сенімді түрде кедергі жасай алатындығын тағы бір рет дәлелдейді. Су басу аймағында болған барлық көму орындары теріс нәтиже алғаннан кейін профилактикалық дезинфекциядан өтті", - деп қорытындылады Аманғали Бердалин.