Астана прокуратурасы ветеринариялық заңнаманың сақталуына тексеру жүргізді. Етті бақылаусыз сатудың және зертханалардың жұмысындағы бұзушылықтардың көптеген фактілері анықталды. Бұл туралы қадағалау ведомствосының баспасөз қызметі хабарлады.
Тексеру нәтижесінде көптеген бұзушылықтар анықталды: мал шаруашылығы өнімдерін өткізу кезіндегі бақылаусыздық, етті тиісінше тасымалдамау, қауіпті жұқпалы аурулар бойынша жоспарлы ветеринариялық іс-шараларды орындамау, сауда объектілеріндегі ветеринариялық зертханалардың жұмысындағы бұзушылықтар.
"Қала бойынша ветеринариялық-санитариялық бақылаудан өтпеген мал шаруашылығы өнімдерін сататын жүзден астам бақыланбайтын субъектілер жұмыс істейді. Барлық зертханаларда ветеринариялық-санитариялық жағдайдың бұзылуы анықталды, сондай-ақ кейбір зертханалар ветеринариялық-санитариялық қорытындысыз қызметті жүзеге асырды", - деп хабарлады прокуратура.
Прокурорлық қадағалау актілері бойынша кінәлі тұлғалар әкімшілік жауапкершілікке, мемлекеттік кәсіпорынның лауазымды адамы тәртіптік жауапкершілікке тартылды. Анықталған бұзушылықтарды уәкілетті органдар жояды.
