СҚО-да құны 1,1 млрд теңге болатын сүт фермасы іске қосылды

Солтүстік Қазақстан облысы Тайынша ауданы Қарағаш ауылында "Астық STEM" ЖШС жаңа сүт фермасы пайдалануға берілді. Жобаға салынған инвестиция сомасы 1,1 млрд теңгені құрады. Бұл туралы өңір әкімі Гауез Нұрмұхамбетов өзінің әлеуметтік желілерінде хабарлады.

"Жаңа ферма жылына 3,2 мың тонна сүт өндіретін болады. 30 жаңа тұрақты жұмыс орны құрылды", - деді әкім.

Жалпы СҚО-да 13 сүт кешенінің құрылысы жалғасуда. Әкімдіктің мәліметінше, жыл соңына дейін алты заманауи сүт фермасы іске қосылады.

"Жаңа фермалардың ашылуы ауылдарда тұрақты жұмыс орындарын құруға мүмкіндік береді, сапалы тауарлық сүт өндіру көлемі артып, сүт зауыттарының жүктемесі артып келеді", - деп атап өтті Гауез Нұрмұхамбетов.