Қостанай облысында құны 6,2 млрд теңге болатын СТФ іске қосылды

Қостанай облысы Меңдіқара ауданында 1200 бас ІҚМ "Восток-1" сүт-тауар фермасы іске қосылды. Ферманың өндірістік қуаты жылына 9,7 мың тонна сүтті құрайды, деп хабарлады облыс әкімінің баспасөз қызметі.

Жобаға 6,2 млрд теңге инвестицияланды. Жаңа СТФ-да өндірілетін сүт "Милх" ЖШС кәсіпорнында өңделетін болады.

Фермада 50 жұмыс орны құрылды.

Болашақта "Восток-1" СТФ-да екінші сиыр қора мен бұзау қораның құрылысы жоспарланған, жұмыстар 2025 жылдың наурыз айында басталады.

1200 басқа арналған тағы бір сүт-тауар фермасының құрылысы сол ауданда, Каменскуральское ауылында жүргізілуде. Пайдалануға берілгеннен кейін кәсіпорын жылына 6,7 мың тонна сүт өндіреді және 15 жаңа жұмыс орнын қамтамасыз етеді.

Жобаның құны 4,3 млрд теңгені құрайды. СТФ іске қосылуы 2025 жылдың желтоқсан айына жоспарланған.

Әкімдікте 2028 жылға қарай Қостанай облысында 30 сүт-тауар фермасын салу жоспарланып отырғаны хабарланды, бұл сүт өндірісін жылына 43 мың тоннаға ұлғайтуға және сүт өнімдерінің импортына тәуелділікті төмендетуге мүмкіндік береді.