Ақмола облысында құны 8,3 млрд теңге болатын СТФ іске қосылады

Ақмола облысының Ақкөл ауданында сыйымдылығы 900 бас ІҚМ болатын жаңа сүт-тауар фермасының құрылысы жүріп жатыр. Жобаның құны 8,3 млрд теңгені құрайды. Бұл туралы облыс әкімінің баспасөз қызметі хабарлады.

"Еңбек" компаниясы жобаға өз қаражатының 5,2 млрд теңгесін инвестициялады, сондай-ақ "Көкше" ӘКК 3,1 млрд теңге сомасына жеңілдікті несие ашты.

Ферма органикалық сүт өндіруге бағытталатын болады. СТФ биыл іске қосылады деп жоспарлануда.

Қазіргі уақытта фермада инженерлік желілерді, электр қуатын, кәрізді өткізу жұмыстары аяқталды. Екі өндірістік базаның құрылысы жүргізілуде.

Сондай-ақ, "Еңбек" ЖШС өз қаражаты есебінен жалпы сомасы 160 млн теңгеге биоқалдықтарды қайта өңдеу және кәдеге жарату жөніндегі биокешен орнатылды.

Маусым айында фермаға Даниядан келген ірі қара малдың алғашқы партиясы - 272 бас қара және қара-шұбар голштин тұқымы әкелінді. Екінші партия 2024 жылдың төртінші тоқсанында жеткізіледі деп жоспарлануда.

Ферманың тиімді жұмыс істеуі үшін неміс өндірісінің жоғары технологиялық жабдықтары сатып алынды.