Қызылорда облысында көпбалалы ана Арсена Құшжанова "Бір ауыл - бір өнім" жобасы аясында 8 ай ішінде Қазақстанның көптеген өңірлерінде сұранысқа ие түйе мен ешкі сүтінен сабын өндіруді ұйымдастырды. Бұл туралы "Атамекен" Ұлттық кәсіпкерлер палатасында хабарлады.
Бастапқыда Арсена отбасы мен жақындарына түйе мен ешкі өнімдерін қолдана отырып сабын жасай бастады, бірақ уақыт өте келе өз өніміне үлкен сұранысты көрді. Содан кейін әйел бизнесті ұйымдастыруға шешім қабылдап, оған грант алды.
"Өңірлік кәсіпкерлер палатасы қызметкерлерінің арқасында мен жобаны сәтті қорғап, 400 АЕК көлемінде грант ұтып алдым. Бастапқы капитал үшін бұл жеткілікті болды, және осы қаражатқа қажетті жабдықты сатып алдым", - деді Арсена Құшжанова.
ARAL ORGANIK деп аталатын отандық өнімнің танымалдылығының артуының арқасында Арсена облыс орталығында "Бір ауыл – бір өнім" жобасының жеңімпазы атанды, содан кейін ол осы жылдың қазан айында Астанада өткен "Қазақстанның үздік тауары" көрме - байқауы аясында "Бір ауыл-бір өнім" көрмесіне қатысты. Онда Арсена көптеген бизнес өкілдерімен, инвесторлармен кездесіп, олармен келісімшарттар жасады.
Бұған дейін іскер әйел өз өнімдерін елорда тұрғындарына жәрмеңкеде таныстырған болатын. Бүгінгі таңда сабын өнімдері Павлодар, Жамбыл, Ақтөбе облыстарына және Астанаға жеткізіледі.
Бизнес иесі мұнымен тоқтап қалмайды және жақын арада бұл өнімді халықаралық деңгейге шығаруды жоспарлап отыр.
