Қазақстанда ауыл шаруашылығын субсидиялау 14 бағыт бойынша жүзеге асырылады. 2023 жылы аталған мақсаттарға шамамен 500 млрд теңге бөлінді: мал шаруашылығына-115,9 млрд теңге; өсімдік шаруашылығы мен қаржы құралдарына-318,1 млрд теңге. Сондай-ақ, Үкімет резервінен өсімдік өсірушілер мен мал өсірушілерді қолдауға тағы 60 млрд теңге бөлінді. Бұл туралы Ауыл шаруашылығы министрлігінің баспасөз қызметі хабарлады.
Барлық қызметтер Gosagro.kz мемлекеттік ақпараттық жүйесінде көрсетіледі, онда 90 мың пайдаланушы тіркелген. Абоненттік төлеммен бұрын қолданыста болған жеке жүйеден тегін мемлекеттік жүйеге көшу шаруалардың шығыстарын 1 млрд теңгеден астамға қысқартуға мүмкіндік берді.
Сондай-ақ, "Күту парағы" тетігін енгізу есебінен пайдаланушылар саны артты.
"Фермерге енді тиісті бюджетті күтудің қажеті жоқ - ол өзіне ыңғайлы кез келген уақытта өтініш береді. Мақұлдауды алғаннан кейін өтінім "Күту парағына" берілген уақыт бойынша қатаң кезекпен түседі және қосымша әрекетсіз одан әрі төлемді күтеді. Бұл ретте ауыл шаруашылығы басқармалары ағымдағы өтінімді қарастырмай келесі өтінімге кіре алмайды. Өтінімдер тізілімі мен "Күту парағы" ашық қолжетімділікте орналастырылған", - деп атап өтті АШМ-де.
Қазіргі уақытта субсидиялау жүйесінде 401 млрд теңгеден астам өтінімдер мақұлданды. Қаржы жылының соңына дейін ай сайынғы төлемдермен пайыздық мөлшерлеме бойынша қабылданған міндеттемелер бар - шамамен 83 млрд теңге. Сонымен қатар, жаңа субсидиялау жүйесінде енгізілген өтінімдер Тізілімі ағымдағы жылдың соңына дейін бюджетті бағалауға және жоспарлауға мүмкіндік береді.
"Сонымен қатар, фермерлер тарапынан бірқатар қызметтер бойынша өтінім берудің күрделілігіне байланысты жаңа мемлекеттік жүйенің жұмысына қатысты шағымдар бар Барлық ескертулер бақылауға алынды, 2023 жылдың қыркүйегінде АШМ ақпараттық жүйенің ережелері мен техникалық аспектілерін жеңілдету мақсатында салалық құрылымдар мен әзірлеушілер қатарынан жұмыс тобын құрды. Барлық жұмыстар биыл аяқталады", - деп хабарлады АШМ-де.
