Атырау облысында жемшөпті субсидиялауға 1,2 млрд теңге бөлінеді

Атыраулық фермерлерге жемшөп дайындауды субсидиялауға 1 млрд 200 млн теңге бөлінеді. Бұл туралы "Хабар 24" хабарлайды.

Ірі қара мал үшін субсидиялау нормативі 30 мың теңгені, ұсақ мал үшін – 5 мың теңгені құрайды. Жылқылар мен түйелер үшін басына 8 мың теңгеден төленеді. Бірақ субсидиялар алу үшін шаруашылықтар белгілі бір талаптарға сай болуы керек. Жайылымдардың болуы да ескеріледі.

Бүгінгі таңда өңірдің фермерлері қажетті жем көлемінің төрттен бірін дайындады.

Өткен жылы 500 шаруа қожалығы мемлекеттік қолдауға ие болды.

«Жемшөп дайындауға субсидия алу үшін шаруашылықта ірі қара малдың кемінде 25 аналық басы болуы қажет. Қой - кемінде 200 аналық бас, түйе және жылқы – кемінде 50 аналық бас. Егер сандық көрсеткіштер талаптарға сәйкес келсе, құжаттарды plem.kz. сайты арқылы электронды форматта тапсыру қажет төлемдер қараша айында басталып, жыл соңына дейін аяқталады», - деді облыстық Ауыл шаруашылығы басқармасының бөлім басшысы Аманжол Қабдешев.