Қазақстанда жылқы шаруашылығы және жемшөп өндіру институты жұмысын бастады, оның міндеті қазақ жылқы тұқымдарының гендік қорын сақтау және жылқы шаруашылығының селекциялық-асыл тұқымдық жұмысын үйлестіру болып табылады. Ғалымдардың алдын ала есептеулері бойынша, қазақ тұқымдарын қалпына келтіру жұмыстары кемінде бес жылға созылады. Жылқы шаруашылығының осы бағытын дамыту жөніндегі жоспарлар вице-премьер Серік Жұманғариннің төрағалығымен өткен үіметтегі кеңесте талқыланды, деп хабарлады үкіметтің баспасөз қызметі.
Жылқы шаруашылығы институтының басшысы Әлібек Базарғалиев таяу арада елдің жетекші жылқы өсірушілері республика бойынша Қазақ асыл тұқымды жылқыларына зерттеу жүргізетінін, оның қорытындысы бойынша жылқы тұқымдарын жаңғырту жоспары жасалатынын айтты.
Сондай-ақ Ақтөбе ауыл шаруашылығы тәжірибе станциясының базасында құрылған Жылқы шаруашылығы және жемшөп өндіру институты жылқы шаруашылығын толыққанды теңдестірілген азықпен қамтамасыз ету үшін өсімдік шаруашылығы жөніндегі бұрынғы қызметтің бір бөлігін қалдырады.
Кеңесте қостанайлық жылқы тұқымын өсіруге маманданған "Қазақ тұлпары" жылқы зауытының жағдайы тыңдалды. Кәсіпорында жүзден аз асыл тұқымды жылқылар қалды - бұл жылқы тұқымын өсіру және танымал ету үшін өте аз. Сондай-ақ, қоралар мен жануарларды ұстау және өсіру шарттары туралы мәселе өткір тұр. Бұл мәселелер жеке инвестицияларды тарта отырып, Жылқы шаруашылығы институтының қазақ жылқы тұқымдарын сақтаудың бірыңғай саясаты шеңберінде де шешілетін болады. Қостанайлық жылқы тұқымы мініс, жүйрік екенін назарға ала отырып, болашақта "Қазақ тұлпары" ЖШС базасында ат спорты мектебін құру жоспарлануда.
Үкіметтің мәліметінше, Қазақстанда түрлі бағыттағы 13 жылқы тұқымы өсіріледі. Ғалым-селекционерлер тәжірибеші-селекционерлермен бірге қостанай жылқысы (1951 ж.), көшім жылқысы (1976 ж.) және мұғалжар жылқысы (1998 ж.) сияқты етті-сүтті бағытындағы танымал отандық тұқымдарды өсірді. Отандық тұқымдар Қазақстанның жергілікті жылқы тұқымдарының құндылығын жақсартады. Олардың өнімділік қасиеттері бойынша олар әлемдік стандарттар деңгейінде, ал жыл бойы тебіндеп жайылуы, қатал табиғат жағдайында күтіп-бағуға бейімделуі бойынша баламасы жоқ.
