"Айс" ЖШС Ақтөбе облысында 800 бас ІҚМ сүт-тауар фермасын салу бойынша инвестициялық жобаны іске асыруда. Жобаның құны 5,1 млрд теңгені құрайды, деп хабарлады ҚР АШМ баспасөз қызметі.
Ферманың қуаттылығы жылына 9,6 мың тонна сүтті құрайды. Қазіргі уақытта нысанда құрылыс-монтаж жұмыстары аяқталып, 2025 жылдың сәуір айының басында компания ірі қара малды әкеле бастайды.
"Айс" жобасы мемлекеттік қолдауға ие болды: қарыз "Ақтөбе" ӘКК арқылы 2,5% мөлшерлеме бойынша 3,2 млрд теңге мөлшерінде.
1100 бас ІҚМ "Айс" ЖШС сүт фермасы 2010 жылы Мәртөк ауданы Саржансай ауылында іске қосылды. Қуаты - күніне 36,5 тонна сүт.
2024 жылы жемшөп жинау үшін компания 100 га құмай-судан, 230 га күздік қара бидай шөп пен пішен, 285 га жүгері егілді.
