Бруцеллез бойынша шектеу іс-шаралары Қостанай облысының үш ауданында енгізілді. Инфекция фермаларда және жеке аулада анықталды. Бұл туралы "Хабар 24" хабарлады.
Өңірде барлығы 400-ге жуық ірі қара мал ауырған. Қазір инфекция ошақтарында Республикалық эпизоотияға қарсы жасақтар жұмыс істеуде. Олар жануарларды ұстау орындарын дезинфекциялап, бақылау зерттеулерін жүргізіп жатыр, жылқылардың, ұсақ малдардың және тасымалдаушылардың бруцеллезін тексеруде.
Атап айтқанда, Сатай кентінде 41 бас ІҚМ ауруы расталды. Бруцеллезге оң реакция берген барлық жануарлар санитарлық союға жіберіледі.
Фермалар мен елді мекендердегі пункттерде шектеулер мал басының толық сауығуына дейін жалғасады.
"Жануарларды, өнімдерді, шикізаттарды, жануарлардан алынатын өнімдерді әкетуге, әкелуге тыйым салынады. Сүтке келетін болсақ, ол пастерленгеннен кейін ғана шығарылуы керек. Екі рет теріс нәтижеден кейін ғана бруцеллезге шектеу шаралары алынып тасталады. Бүгінгі таңда сауықтыру шаралары жалғасуда", - деді Ветеринария басқармасы басшысының орынбасары Айнагүл Көшубенова.
