Қарқаралыда құтырған қасқырдың кесірінен шектеу шаралары енгізіледі

Өткен аптада Қарқаралының (Қарағанды облысы) үш тұрғынына қасқыр шабуыл жасады. Сараптама жануардың құтырумен ауырғанын көрсетті. Қала аумағында шектеу іс-шаралары енгізілуде.

Қарқаралы әкімінің шектеулерді енгізу туралы шешімінің жобасы "Ашық НҚА" порталында жарияланды. Қаланы қолайсыз пункт деп жариялау қажет деген ұсыныс ауданның бас мемлекеттік ветеринариялық-санитариялық инспекторынан келіп түсті. Онда Ветеринария жөніндегі ұлттық анықтамалық орталықта жүргізілген жануардан алынған сынаманы талдау құтыруды анықтағаны көрсетілген.

Естеріңізге сала кетейік, қасқыр бір күнде үш әйелге шабуыл жасап, тістеп алғаннан кейін Қарқаралы маңында атып өлтірілген.