Қазақстанның барлық өңірлерінде егін жинау жұмыстары басталды. 26 тамызда 1,5 млн гектарға жуық дәнді және бұршақты дақылдар жиналды, орташа өнімділігі 17,9 ц/га кезінде, 2,7 млн тоннаға жуық астық бастырылды. Бұл туралы Ауыл шаруашылығы министрлігінің баспасөз қызметі хабарлады.
Ведомствоның мәліметінше, көкөніс дақылдары 52,7 мың гектардан жиналды, 250,6 ц/га өнімділігі кезінде 1,3 млн тоннадан астам жиналды. Бақша дақылдары 81,6 мың га алқаптан жиналды, өнімділігі 250,4 ц/га кезінде жалпы алым 2 млн тоннадан асты.
Егін жинау науқанына 149,9 мың трактор, 37,6 мың астық жинайтын комбайн, 14,9 мың орақ және 195 мың басқа техника қатысады.
Үстіміздегі жылы көктемгі егіс және егін жинау жұмыстарын жеңілдетілген қаржыландыру көлемі 580 млрд теңгені құрады, бұл өткен жылдармен салыстырғанда 3 есе көп.
Егін жинау науқанын өткізудің барлық мәселелері ерекше бақылауда.
