Ақтөбе облысының Ойыл ауданында ұсақ малдың шешек ауруы анықталды. Аудан әкімінің шешімімен инфекция ошағына карантин енгізіледі. Ақпарат "Ашық НҚА" порталында жарияланды.
"Ойыл ауданы Көптоғай ауылдық округінің аумағында орналасқан "Саят" шаруа қожалығының аумағында ұсақ мал арасында шешек ауруының анықталуына байланысты карантин белгіленсін", - делінген шешім жобасында.
Шешек - жоғары жұқпалы және өлімге әкелетін жұқпалы ауру. Ағымдағы жылдың ақпан айында ұсақ күйіс қайыратын жануарлар арасында аурудың өршуі ШҚО Катонқарағай ауданының Катонқарағай және Аққайнар ауылдық округтерінде тіркелді. Үш ауылдың аумағында карантин енгізілді.
