ҚР Экология және табиғи ресурстар министрлігі ғалымдармен Арал теңізінің құрғаған түбіндегі (АТҚТ) жерлерде жайылымдар құруды талқылауда. Бұл туралы ведомствоның баспасөз қызметінен хабарлады.
Ведомствода өткен кеңесте сарапшылар Қазақстанның құрғақ жағдайында жайылымдық жерлер құру тәжірибесін зерделеді. Сондай-ақ, АТҚТ топырақ-климаттық жағдайларын ескере отырып, қосымша зерттеулер жүргізудің өзектілігі талқыланды.
Нәтижесінде АТҚТ жерлерінде жайылымдар құру бойынша ұсыныстарды әзірлеудің орындылығы туралы ұсыныс қабылданды. Бұл құжат жайылымдық жерлерді құруға негіз болады және жалпы осы аймақтағы ауыл шаруашылығының дамуына ықпал етеді.
Кеңеске ғылыми ұйымдардың - Оңтүстік-батыс мал шаруашылығы және өсімдік шаруашылығы ҒЗИ, А.Н. Бөкейхан атындағы Қазақ орман шаруашылығы және агроорман мелиорациясы ҒЗИ басшылары қатысты.
