Павлодарлық фермерлер сәбіз өнімін сата алмауда

150-ге жуық павлодарлық шаруашылық сәбіз өнімін сата алмауда. Көкөніс қоймаларында шіри бастаған он мың тонна өнім жатыр, деп хабарлайды Tengrinews.kz.

Көкөніс өсірушілердің айтуынша, қаңтар айының ортасынан бастап карантиндік сертификаттар берілмеген, сондықтан олар тауарды экспортқа жібере алмады. Осы уақыт ішінде Павлодар шаруашылықтары ынтымақтасқан ресейлік сауда желілері басқа жеткізушілер тапты. Ал, бұған дейін Павлодар егістігінен сәбіз жеткізілген Қазақстанның оңтүстік өңірлерінің нарығы ресейлік өніммен толып, отандық өнімді сатусыз қалдырды.

"Павлодар облысында қазір сәбіздің көлемі тым артық. Баға бір килограмына 60 теңгеге дейін күрт төмендеді, тіпті бұл баға бойынша да сатылым жоқ. Біз оны 50 теңгеден сатуға дайынбыз, бірақ оны 50 теңгеге де алмайды. Міне, ақпан айының ортасы болды, ал менің қоймаларымда 1400 тонна жүк жатыр, оның бәрі қазір босқа қалуда. Шамамен 30% полигонға лақтырылды. Егер келесі жылы сәбіз аз болса, онда бізді оны жарты бағаға беруге мәжбүрлейді. Ал тұқымдар өте қымбат. 100 гектар сәбіз егу үшін тек тұқым үшін кем дегенде 50 млн теңге төлеу керек", - деді павлодарлық көкөніс өсірушілердің бірі.

Павлодар облысының Ауыл шаруашылығы басқармасы сәбіз сату мәселесін мойындады.

"Шынында да, шаруалардың қоймаларында сәбіз бар. Сәбізді іске асыруға жәрдемдесу үшін басқарма Ауыл шаруашылығы, Сауда және интеграция министрліктеріне, облыстардың әкімдіктеріне және өңірлердің әлеуметтік-кәсіпкерлік корпорацияларына сәбіздің көлемі және шаруа қожалықтарының байланыс деректері бар хаттар жолдады", - деп түсіндірді өңірдің ауыл шаруашылығы басқармасында.