Armada Gıda түрік компаниясы қазақстандық бидайды сатып алу жоспарларын, сондай-ақ Қостанай облысында қайта өңдеу зауытын салуды талқылауда. Компания басшылығымен бірқатар кездесулерді ҚР Ауыл шаруашылығы министрлігі мен Азық-түлік корпорациясы өткізді.
Азық-түлік корпорациясының баспасөз қызметінен хабарлағандай, түрік делегациясының Қазақстанға сапары барысында қазақстандық жасымықты түрік нарығына жеткізу мәселелері талқыланды. Азық-түлік корпорациясы түрік серіктестеріне жасымықтың экспорттық партияларын шоғырландыру тетіктерін және форвардтық сатып алу шеңберінде қаржылық қолдауды қоса алғанда, экспорттық схемаларды оңтайландыру бойынша ұсыныстар берді. Тараптар сондай-ақ көлік логистикасы және өнімді түрік нарығына жеткізудің оңтайлы бағыттарын әзірлеу мәселелерін талқылады.
Сонымен қатар, Қостанай облысында жасымық өңдеу зауытын салу жоспарлары талқыланды. Armada Gıda компаниясы Қазақстанмен ұзақ мерзімді ынтымақтастыққа қызығушылық білдірді және қайта өңдеу өнеркәсібін дамытуға инвестиция салуға дайын.
