Атырауда ет сараптамасы бойынша пилоттық жоба іске қосылды

Атырауда "Ауыл шаруашылығы жануарларын бірдейлендіру" ақпараттық жүйесінде "Етті ветеринариялық-санитариялық сараптау" модулінің пилоттық жобасы іске қосылды. Бұл туралы ветеринарлық бақылау және қадағалау комитетінің баспасөз қызметі хабарлады.

Жоба Атырауда сою және ішкі сауда нысандарында іске қосылды.

"Модуль сою объектілерінде (ет өңдеу кәсіпорындары, сою пункттері мен сою алаңдары) ветеринариялық-санитариялық сараптама нәтижелері бойынша сараптама актісін (Сынақ хаттамасын) берудің бизнес-процесін автоматтандыра отырып, ветеринариялық-санитариялық сараптама функционалын қамтиды", - деп түсіндірді Комитетте.

Жобаның мақсаты - ветеринария саласындағы қолданыстағы нормативтік құқықтық актілерге сәйкес сою алдындағы ветеринариялық тексерусіз және союдан кейінгі ұшалар мен органдарға ветеринариялық-санитариялық сараптамасыз өткізу үшін жануарларды союға жол бермеу.

Пилоттық жоба ағымдағы жылдың 28 шілдесіне дейін жалғасады.