ҰАҒБО-ның трансформациялау жоспары үкіметте таныстырылды

ҰАҒБО-да трасформацияның жол картасының жобасы және ғылыми-зерттеу институттары, тәжірибелі шаруашылықтар мен ауыл шаруашылығы өндірушілері арасындағы өзара іс-қимыл жүйесінің жаңа оңтайландырылған құрылымы әзірленді. Бұл туралы ҚР премьер-министрінің баспасөз қызметі хабарлады.

Оңтүстікте мал шаруашылығымен, өсімдік шаруашылығымен, мақта және бақша өсірумен айналысатын төрт түрлі еншілес ұйымды "Оңтүстік" ғылыми-өндірістік орталығына біріктіру ұсынылады. Жаңа ҰАҒБО берілетін объектілерді қаржылық сауықтыруды, өңірдің аграрларымен белсенді өзара іс-қимылды қамтамасыз етуге, жабық топырақ, тиімді суару және бақша өсіру орталықтарын құруы тиіс.

Сондай-ақ, С.Сейфуллина атындағы ҚАТЗУ-дан бұрын берілген ҰАҒБО-ға Бараев атындағы ҒӨО мен Солтүстік Қазақстан АШТС еншілес ұйымдары қайтарылды.

Өз кезегінде, Ә.Бөкейханов атындағы Орман шаруашылығы және агроорман шаруашылығы ҚазҒЗИ Экология және табиғи ресурстар министрлігінің Орман шаруашылығы және жануарлар дүниесі комитетіне берілді.

Сондай-ақ, ҰАҒБО құрылымын оңтайландыру екі еншілес ұйымды әртүрлі меншік үлестері бар әкімдіктерге беруді көздейді. Атап айтқанда, Ақтөбе облысында берілетін өңірлік тәжірибелік шаруашылық базасында жылқы шаруашылығы институтын құру жоспарлануда.

"Ғылыми аграрлық орталықты трансформациялауда селекция мен тұқым шаруашылығын дамытудың кешенді жоспарын іске асыруға көп көңіл бөлінеді. Бастапқы тұқым шаруашылығын дамыту, селекциялық техника мен жабдықтарды жаңарту, тұқым шаруашылығының тиімді жүйесін құру жөніндегі шаралар әзірленді. Қазақстанда тұқым шаруашылығының қолданыстағы схемасы дұрыс жұмыс істемейді. Тұқым өсіру схемасы бұзылған, тұқымның қадағалануы жоқ. Сонымен қатар, биотехнологияның заманауи әдістерін қолдану арқылы жаңа сұрыптарды өсіру мерзімін екі есе қысқарту қажет: 12-15 жастан 5-7 жасқа дейін. Тұқым сақтандыру қорын құру қажеттілігі туындады. Отандық сұрытартарды тиімді коммерцияландыру үшін ҰАҒБО оригинаторларының, жеке компаниялардың және өсімдік шаруашылығы, тұқым шаруашылығы және селекция саласындағы халықаралық орталықтардың күш-жігерін біріктіруді ұсынамыз", - деді ҰАҒБО басқарма төрағасы Бауыржан Қасенов.

Вице-премьер Серік Жұманғарин ғылым мен оның нәтижелерін коммерцияландыру арасындағы жолды барынша қысқарту үшін халықаралық компаниялар мен бизнестің тәжірибесін ескере отырып, барлық мүдделі органдармен және ғалымдармен ҰАҒБО трансформациялау жоспарларын тағы да талқылауды тапсырды.