Солтүстік Қазақстан облысында "Гердт В.В." шаруа қожалығы Чехиядан 192 бас ірі қара әкелді. Бұл туралы СҚО ауыл шаруашылығы және жер қатынастары басқармасынан хабарлады.
Шаруа қожалығы Аққайың ауданында, Власовка ауылдық округінде жұмыс істейді. Осы жылдың басынан бері аталған округке мемлекеттің қолдауымен 378 симментал асыл тұқымды малы әкелінді.
Ауыл шаруашылығы басқармасының мәліметінше, соңғы жылдары Аққайың ауданында төрт сүт-тауар фермасы іске қосылды. Осының есебінен сүт өндірісі 36 мың тоннадан 50 мың тоннаға дейін артты.
