ШҚО-да егіс жұмыстары аяқталды

Шығыс Қазақстан облысында егіс жұмыстары оңтайлы мерзімде аяқталды. Биыл егіс алқабы 6,7 мың гектарға, 645,1 мыңға дейін ұлғайды. Бұл туралы өңірдің ауыл шаруашылығы басқармасынан хабарлады.

Өңірдегі жаздық дәнді және дәнді-бұршақты дақылдар 263,9 мың га алқапқа орналастырылған.

Майлы дақылдар алқабы 219 мың га (+8,1 мың га) дейін, жемшөп дақылдары — 125 мың га (+3,3 мың га) дейін, көкөніс — бақша дақылдары — 6,1 мың га (+0,1 мың га) дейін, картоп-11,6 мың га (+0,6 мың га) дейін ұлғайтылды.

Облыстық бюджетте көктемгі дала жұмыстарын жүргізуге субсидиялар түрінде 4,1 млрд теңге қарастырылды, оның ішінде 1,7 млрд теңгесі игерілді.

Сонымен қатар, Аграрлық несие корпорациясы 13 млрд теңге көлемінде бюджеттік несие бөлді. Соңғы қарыз алушылар үшін сыйақы мөлшерлемесі жылдық 5%-дан аспайды. Бөлінген қаражат 500 АӨК субъектісін қаржыландыруға мүмкіндік береді.

Сонымен қатар, ағымдағы жылы Азық-түлік корпорациясы ауыл шаруашылығы өнімдерін форвардтық сатып алуды жүзеге асыру үшін қаражат бөлді. Бүгінгі таңда шамамен 3 млрд теңге игерілді.

Фермерге нарықтық бағадан 14% төмен бағамен 14 мың тонна дизель отыны бөлінді, 35 мың тонна тыңайтқыш жөнелтілді, 46,8 мың тонна енгізу жоспарланған. Бұл ретте мемлекет ауыл шаруашылығы өндірушілерінің тыңайтқыштар мен пестицидтер сатып алуға жұмсаған шығындарының 60%-на дейін субсидиялайды.

Егіс науқанының қорытындысы бойынша барлығы 68 мың тонна ауыл шаруашылығы дақылдарының кондициялық тұқымдары егілді.