Түркістан облысында егіс жұмыстары басталды

Түркістан облысында көктемгі егіс жұмыстары басталды. Ағымдағы жылы ауыл шаруашылығы дақылдарының егіс алқабы 26 мың гектарға ұлғайтылып, 896 мың гектарды құрайды. Оның ішінде жаздық дақылдар 518 мың га, күздік дақылдар 204 мың га, ал көпжылдық шөптер (жоңышқаны қоса алғанда) 174 мың га алады. Бұл туралы облыс әкімінің баспасөз қызметі хабарлады.

Облыс әкімінің орынбасары Нұрбол Тұрашбековтың ақпараты бойынша, қазіргі уақытта жер жырту 50%-дан астамға, тұзды топырақты шаю 30%-ға орындалды. Егіс науқанын жүргізу үшін 55,3 мың тонна арзандатылған дизель отыны бөлінді, оны бөлу процесі басталды.

Дала жұмыстарына 25 мың бірлік ауыл шаруашылығы техникасы жұмылдырылды. Биыл ауыл шаруашылығы машиналарының паркін 6,5%-ға жаңарту жоспарлануда. Ауыл шаруашылығы министрлігінің Жол картасына сәйкес, жыл соңына дейін топыраққа 190 мың тонна минералды тыңайтқыш енгізіледі, өтінімдерді қабылдау басталды.

Тауар өндірушілерде тұқымның жеткілікті көлемі бар. 4,3 мың тонна бидай, 6,7 мың тонна арпа, 1,8 мың тонна мақсары, 3,6 мың тонна мақта және 0,9 мың тонна жоңышқа дайындалды. Жүгері мен картоп тұқымдары коммерциялық ұйымдардан сатып алынады.

Мақта сапасын арттыру үшін Түркістан облысында Түркия, Өзбекстан және Қытайдан 3,3 мың тонна жоғары репродукциялы тұқым импорттау жоспарлануда.