Тауарлар
Қызметтер
Тасымалдау қызметі
ҚР Президентінің Жарлығымен Олжас Бектенов премьер-министр болып тағайындалды. Ол ҚР Президенті Әкімшілігінің басшысы қызметінен босатылды.
Қазақстан Үкіметі 5 ақпанда отставкаға кетті. Бүгін Президент Қасым-Жомарт Тоқаевқа Amanat партиясының атынан Олжас Бектеновтың кандидатурасы ұсынылды. Бұл кандидатураны Мәжіліс те қолдады.
Олжас Бектенов 1980 жылы Алматыда дүниеге келген. Қазақ мемлекеттік заң академиясын "Заңгер" мамандығы бойынша бітірген (2001).
Бұған дейін ҚР премьер-министрінің кеңсесінде, ҚР Президенті Әкімшілігінде, ҚР Әділет министрлігінде, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінде түрлі лауазымдарда жұмыс істеген.
2019 жылдан 2022 жылға дейін ҚР Сыбайлас жемқорлыққа қарсы іс-қимыл агенттігі төрағасының бірінші орынбасары болды. 2022 жылдың ақпанында осы Агенттіктің басшысы болып тағайындалды.
2023 жылдың сәуір айынан бастап Бектенов Президент Әкімшілігінің басшысы болды.
