Тауарлар
Қызметтер
Тасымалдау қызметі
Үкімет резервінен аграрларды қолдау үшін 116 млрд теңгеден астам қаражат бөлінді. Қаражат дала жұмыстарын қаржыландыруға бағытталады, деп хабарлады ҚР премьер-министрінің баспасөз қызметінен.
Тиісті қаулыға премьер-министр Олжас Бектенов қол қойды. Қаражат ауыл шаруашылығы тауар өндірушілерін қолжетімді несиелендірумен қолдау мақсатында, сондай-ақ шаруалардың қаржылық жағдайын тұрақтандыру үшін резервтен бөлінеді.
"Қаражатты 2025 жылғы көктемгі егіс және егін жинау жұмыстарын сапалы жүргізу үшін АӨК субъектілерін қаржыландыруға, сондай-ақ отандық өндірістің ауыл шаруашылығы техникасын сатып алуға бағыттау жоспарлануда. Бұл "Аграрлық несие корпорациясы" АҚ, "ҚазАгроҚаржы" АҚ облигациялары бойынша купондық сыйақыны субсидиялау арқылы - отандық өндірістің ауыл шаруашылығы техникасын сатып алуға және кейіннен лизингке беру үшін құрастыруға одан әрі қаржыландыру үшін, сондай-ақ "Даму" кәсіпкерлікті дамыту қоры" АҚ қарыз шарттарына кепілдік беру кезінде комиссияны арзандату жолымен іске асырылатын болады", - деп түсіндірді үкіметте.
Естеріңізге сала кетейік, мемлекет басшысының тапсырмаларын орындау аясында үкімет 2024 жылдың желтоқсанында егіс жұмыстарын қаржыландыруға алғашқы 100 млрд теңге бөлуді қамтамасыз етті. Жалпы, егіс және егін жинау жұмыстарын жеңілдетілген қаржыландыруға кемінде 700 млрд теңге бөлу жоспарлануда.
