Қазақстан үкіметі ағымдағы жылдың соңына дейін аграрларға тиесілі субсидияларды толығымен төлеуге ниетті. Бұл туралы бүгін үкімет отырысында ауыл шаруашылығы министрі Айдарбек Сапаров мәлімдеді.
Барлық субсидияларды қысқа мерзімде төлеу туралы шешім осы маусымда қолайсыз ауа-райынан зардап шеккен фермерлерге қаржылық қолдау көрсету мақсатында қабылданды.
"Үкімет заңнамада белгіленген тәртіппен субсидияларға қажеттілікті толық жабу мәселелерін пысықтауда, сондай-ақ зардап шеккен фермерлердің қаржы институттарының желісі бойынша несиелерді жеке тәртіппен ұзарту жүргізілуде. Бастапқы кезеңде 30 млрд теңге мөлшерінде субсидиялар бойынша берешек өтеледі, үкіметтің тиісті қаулысы қабылданды, ал қалған қарыздар жыл соңына дейін жабылады", - деді Айдарбек Сапаров.
Ұзартуға қатысты бүгінгі күні "Аграрлық несие корпорациясы" АҚ және "ҚазАгроҚаржы" АҚ желісі бойынша 147 ауыл шаруашылығы өндірушілерінен 7,2 млрд теңге сомаға құжаттардың толық пакетімен өтініштер келіп түсті. Басқа зардап шеккен қарыз алушылардан шарттар, ұсынылатын құжаттар тізбесі және міндеттемелерді қайта құрылымдау рәсімдері мәселелері бойынша өтініштер түсу жалғасуда.
